Молитвы о прогнании лукавых духов от человека

   Для прогнания лукавых духов от человека читают молитвы к:

Молитва святому великомученику Никите

   "К тебе, яко скорому и избранному спасения нашего ходатаю, богоизбранному воеводе, оружием креста враги победившему, ве-ликомучениче Никито, воздушно прибегаем: не отвратися от на-шея нищеты, молению нашему внемли, и от бед нас и обитель сию сохрани.
   Простри руку твою, скорую помощь подающую. Управи ум наш от пагубоносных разсеяний, и сердца наша оскверненная очисти, освяти и горе имети утверди.
   От враг видимых и невидимых нас сохрани, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими хо-датайствы, во смирении и простоте сердца, сподобимся до последнего издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь".

Молитва святителю Тихону, епископу Воронежскому, Задонскому чудотворцу

   "О святителю, отче наш Тихоне! Услыши нас и потщися благоприятным твоим ходатайством умолити Господа, да пробавит Своя великия и богатая милости на нас, грешных и недостойных рабех Своих (имена), да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногиях согрешениях наших и да избавит ны от вечных мук и огня геенскаго, да дарует в нынешнем веце мир и тишину, здравие и спасение, да тако сподобимся со ангелы и со всеми святыми, славите и воспевати Всесвятое имя Отца и Сына и Святаго Духа во веки веков. Аминь".
 
« Молитва преподобному Онуфрию Великому   Молитвы при гневливости »

Календарь

Иконы