Молитва от фурункулеза

   От фурункулеза обращаемся с молитвами к:

Молитва святым девяти мученикам Кизическим: Феогниду, Руфу, Антипатру, Феостиху, Артеме, Магну, Феодоту, Фавмасию и Филимону

   "Всехвальнии святии мученицы, добльственнии раби Христовы: Феогниде, Руфе, Антипатре, Феостише, Артеме, Магне, Феодоте, Фавмасие и Филимоне! Вы Христа ради от различных стран собрастеся, и того совершеннаго Бога и Человека дерзновенно в Кизице проповедаете, и принуждаеми бывше поперети кумиром, идолы попрасте и князя посрамисте, различных же томлений и огненнаго прещения не убоястеся, и по различием страдании острием меча посечени бысте, и кровь свою яко воду за Христа пролияете, и тою яко багряницею Церковь Христову украсисте; темже и ныне, неувядаемым венцем беземертныя славы увенчани, в неизглаголанней радости с лики ангельскими в небесных селениях водворяетеся, Божественным светом облистаеми и зрением его доброты неизреченныя наслаждающеся.
   Сего ради и мы смирении к вам притекаем и умиленно на святый ваш образ взирающе, молим вы: молите за ны Христа Бога, яко дерзновение к Нему имущий, да вашими святыми молитвами от всякаго недуга и вреда душевнаго и телеснаго избавимся, вам бо от Бога дадеся врачебный дар от всяких скорбей с верою к вам припадающыя целити, якоже и онаго славнаго мужа от трясавичныя болезни уврачевасте: да и мы вернии, тожде получивше, почитаем вас, святии мученицы, толика дарования имущих от Христа Бога. Ему же слава, купно со Отцем и Святым Духом, всегда и ныне и присно и во веки веков. Аминь".
 
« Молитвы при обуревании души неверием   Молитвы о сохранении от внезапной или скоропостижной смерти »

Календарь

Иконы