Молитвы при открытии нового производства или предприятия

   При открытии нового производства или предприятия обратитесь с молитвами:
  • апостолу Павлу
  • святителю Василию Великому

Молитва святителю Василию Великому, архиепископу Кесарии Каппадокийския

   "О великий и пресвятый святителю отче Василие, преславный вселенския церкви учителю, славы Пресвятыя Троицы всеусердный поборниче, Матери Божие и Ея пренепорочнаго девства пре-дизбранный исповедниче, пресвятый чистоты, смирения и терпения образе! Се аз многогрешный и недостойный на высоту небесную взирати смиренно молю тя, о премудрый Церкви Христовы учителю: научи мя тако богобоязненно житие свое проводити, да никогдаже на путь, Божиим повелением противен, уклонюся или совращен буду.
   Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша. Даруй мне силу душевную, во еже быти ми усердному подражателю, добродетелем твоим высоким: соделай мя в вере правей тверда и непоколебима, укрепи мя, малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искренее о гресех сокрушение, да прочее время жития моего в мире, покаянии и исполнении заповедей Христовых провождати буду. Егда же час моего скончания приближится, ты, о благий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми неприступнаго Божия Величества Престолу предстану, и Живоначальную, Единосущную же и Нераздельную Троицу прославляю и воспеваю, присной в безконечныя веки. Аминь".
 
« Молитва при желании иметь дитя мужского пола   Молитвы о разрешении неплодства и бесчадия »

Календарь

Иконы