Молитва при рождении ребенка от воздействия злых духов

   Владыко Господи Боже наш, родившийся от Пречистая Владычицы нашея Богородицы и Присно-девы Марии, и яко младенец во яслех возлегай, и яко детищь восприемлемь бывый, Сам и сию рабу Твою, днесь родившую сие отроча, помилуй, и прости вольная и невольная ея прегрешения, и сохрани ю от всякого диавольского мучительства, и из нея рожденнаго младенца соблюди от всякого яда, от всякия лютости, от всякия бури сопротивного, от духов лукавых, дневных же и нощных.
   Сию же соблюди под державною рукою Твоею, и даждь ей скорое востание, и от скверны, и болезни исцели, и здравие и благомощие души же и телу даруй, и ангелы светлыми и сияющими сию огради, и соблюди от всякаго наития невидимых духов, ей, Господи , от недуга и слабости, от ревности и зависти, и от очес призора, и помилуй ю и младенца, по велицей милости Твоей, и очисти ю от телесныя скверны, и различных ей находящих утробных стужений, и изведи ю скорою милостию Твоею во смиренном ея теле во исправление; и из нея рожденного младенца сподоби поклонитися земному храму, егоже уготовал еси славословите имени Твоему Святому, яко подобает Тебе всякая слава, честь и поклонение, Отцу и Сыну и Святому Духу, ныне и присно и во веков. Аминь.
 
« Молитвы об очистке воды, колодцев   Молитвы о даровании семье дома »

Календарь

Иконы