Молитва общая святителю

   "О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю (имярек), предстоя у Престола всех Царя и наслаждался света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси монашествующыя к подвигом добраго течения укрепи царствующий град и вся грады и страны добре сохрани, и веру святую непорочну соблюсти умоли мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, племенные возврати, немощствующыя исцели, и везде тепле призывающыя тя и с верою припадающыя и молящыяся тебе от всяких напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь".
 
« Молитвы о сохранении от внезапной или скоропостижной смерти   Молитвы при метеоризме »

Календарь

Иконы